A neuropsicoloxía é unha rama da ciencia que estuda as bases biolóxicas do comportamento. Defínese como a disciplina que estuda a relación cerebro-comportamento e o seu principal obxectivo é analizar o funcionamento cognitivo e conductual dende un sistema biolóxico, e específicamente, dende o sistema nervioso central.
Que funcións son avaliadas?
-
Capacidade intelectual.
-
Lectura, escritura e cálculo.
-
Capacidade de atención e rapidez no procesamento da información.
-
Memoria e capacidade para o aprendizaxe.
-
Linguaxe e comunicación.
-
Visuopercepción, visuoconstrución e coordinación motora.
-
Funcionamento executivo (capacidade de planificación e organización, flexibilidade cognitiva, capacidade de inhibición).
-
Conducta e funcionamento emocional.
-
Habilidades sociais.
A quen vai dirixida a intervención?
-
TCE (traumatismo craneoencefálico).
-
ACV (accidente cerebrovascular).
-
Tumores.
-
Anoxia.
-
Patoloxía neurodegenerativa (esclerose múltiple, allzheimer, parkinson, etc.).
-
Trastorno do neurodesenvolvemento (TDAH, PCI, Epilepsia Infantil, TEA, etc.).
-
DCL (insuficiencia cognitiva leve).
-
Trastorno da aprendizaxe (Dislexia, Discalculia, TANV, etc.)
Neuropsicoloxía pediátrica
O obxectivo da neuropsicoloxía pediátrica é diagnosticar e tratar nenos e adolescentes con problemas cognitivos, de comportamento e/ou emocionais que afecten o medio familiar e na aprendizaxe escolar. Está destinado a nenos con idade escolar con dificultades cognitivas ou da aprendizaxe, habilidades sociais ou problemas de comportamento como consecuencia do dano cerebral adquirido ou trastornos do neurodesenvolvemento.
A intervención na neuropsicoloxía pediátrica inclúe avaliación diagnóstica, rehabilitación neuropsicolóxica ou estimulación cognitiva e intervención e asesoramento na escola e na familia.
Neuropsicoloxía en adultos
A avaliación permítenos detectar, describir e cuantificar alteracións neuropsicolóxicas e funcións preservadas para deseñar un plan terapéutico e monitorizar o funcionamento cognitivo.
A rehabilitación neuropsicolóxica é un proceso activo que axuda ó paciente a optimizar a recuperación das funcións superiores, a comprender mellor as alteracións presentadas e a desenvolver estratexias para compensar estes trastornos. Ten como obxectivo axudar a mellorar os déficits cognitivos, emocionais e de comportamento causados pola patoloxía neurolóxica e axudar ás familias a adaptarse a esta nova situación vital.
